2018 budget alang sa dakbayan sa Dabaw mokabat sa P7.8 bilyon

Konsehal Danilo Dayanghirang. kulagway gikan sa FB

“Ang akong komitiba, andam na nga mo-presentar sa budget ug gani amo kining giduso aron aprobahan sa mayorya,” matud pa ni Dayanghirang.

Sumala pa ni Dayanghirang, ang maong budget miagi na sa proceso sa budget hearing ug gani ilang naimbita ang mga opisyales ug mga buhatan nga lambigit sa among budget.

Ang 2018 budget, matud pa ni Dayanghirang mosuporta sa 10-point agenda ni Mayor Sara Duterte-Carpio.

Una giduso ang 2018 annual budget, una nang gi-aprobahan sa konseho ang Annual Implementing Plan (AIP)  ug ang Local Development and Investment Plan (LDIP).

Ang AIP ug ang LDIP ang nagsilbing listahan sa mga proyekto nga ipatuman sa lokal ng panggahanan sa musunod nga tulo ka tuig.

“Dili kami puede mo-aprobar ug annual budget angn walay investment plan o plano sa pagpalambo sa panudlanan sa syudad,” si Dayanghirang nagbutyag.

Baynte porsyento sa AIP igahin alang sa nagkadaiyang proyekto sa ehikutibo.

 

Ang Dakbayan sa Dabaw usa sa mga syudad nga nalakip sa listahan sa mga bilyonaryong lungsod sa nasud.

Sa pagduso sa 2018 budget, naglaum si Dayanghirang nga mosuporta kaniya ang  mga membro sa konseho.-Harold V. Pontongan/Newsine.ph