Gen. Santiago gitanggal sa DDB kay nagpataka ug yawyaw-Duterte

Mega Drug Rehabilitation Facility sa Nueva Ecija. Contributed Photo

DAKBAYAN SA DABAW, Mindanao — Nasakitan si Presidente Rodrigo Duterte sa mga gipamulong ni  Dangerous Drugs Broad (DDB) chair ug retired general Dionesio Santiago, kabahin sa mega drug rehabilitation facility sa Nueva Ecija, mao kini gipalagpot sa puesto.

Sa iyang pamulog sa mga membero sa media   una kini molarga paingon sa Vietnam aron motambong sa Asia Pacific Economic Cooperation (APEC) niadtong Mierkules sa hapon, Nobembre 8, gisaysay ni Duterte nga siya nasakita sa dihang gimakmak ni Santiago kabahin sa mega drug rehabilitation facility sa Nueva Ecija.

Matud pa ni Duterte nsakitan siya  “Mibuhi siya ug mga pulong nga ang pagtukod sa rehab, pag usik usik sa kuarta, di dapat ing ana, mali iyang gihimo, nagyawyaw sya. Unta, nakig-istorya iya naku gi-ingnan ko niya ng sitwasyon, aron mahibalo ko, dili ng magyawyaw sya sa media. Nasakitan ko, nganong sa media man, nganong wala ka nakig-istorya naku?’

Si Santiago, midagan ug senador ug misuporta kang DUerte adtong kampanya, pagkahuman sa election ban, gitudlo siya ni Duterte isip chairman sa DDB aron mohatag kania ug advice sa problema sa druga ug mohatag kanina ug mga posibleng solusyon pagsulbad niini.

“Gibutang taka diha  sa DDB aroon tudluan ko nimo unsaon pagsulbad sa problema, dili aro, magyawyaw ug maghatag ug mga pamahayag sa media,” matud pa ni Duerte.

Matud pa ni Santiago, misumitir siya sa iyang dili na maatras nga resignation letter Niadtong Martes, Nobembre 7, human kuno siya gitawagan ni Executive Secretary Salvador Medialdea.

Sumala pa ni Santiago gi-ingnan siya ni Medialdea nga pa-resignon na kuno siya ni Duterte.

Si Santiago nagbutyag “Basin gitagaan lang si Presidente ug mali ng inpormasyon kabahin sa akong gipanulti sa media.”

Gitanggal si Santiago sa puesto human kini nagbutyag sa media ang dili praktikal ang paghimo sa mega rehabilitation center sa Nueva Ecija nga puede puy-an sa 10,000 ka kawo ug nasayang lang ang kuarta tungod kay dili kini mapuslan pag-ay0.

Angn rehabilitation center natukod human mihatag ug kuarta ang pilatropo ug negosyanteng insik nga si Huang Rulun.-Harold V. Pontongan/Newsline.ph