Duterte wala misipot sa ASEAN-UN miting

Wala mitambong si Presidente Rodrigo Duterte sa ASEAN-UN miting kay matud pa sa palasyo dugayi nahuman ang iyng miting ug una pa man niini aduna siya bilateral miting kuyog ni Prime Nister Shinzo Abe sa Japan.-Hulagway kuha ni: Ace Morandante/ Presidential Photo

DAKBAYAN SA DABAW — Wala makatambong si Presidenti Rodrigo Duterte sa miting as lideres sa ASEAN ug sa United Nations tungod kay dugay nahuman ang naunaong miting as presidente.

Wala kuno gituyo ni ngna dili siputon ang ASEAN-UN miting.

Sumala pa ni Harry Roque ang tigpamaba sa presidente, si Department of Foreign Affairs Secretary Alan Peter Cayetano ang molingkod sa miting isip hulip ni Duterte.

“Ang miting sa Presidente sa laing grupo wala pa nahuman sa oras nga magsugod na ang ASEAN-UN miting, ug aron dili malangay ang pagsugod, gipalingkod ni Duterte si cayetano,” Matud pa ni Roque.

Una pa man ang gikatakda nga miting as ASEAN-UN, milingkod na si Duterte sa bilateral miting sa nagkadaiyang nasud susama sa Japan, South Korea, India ug Russia.

Puno kaayo ang iskedyul ni President ug sunod sunod ang iyang miting gikan sa matimon sa plenaryo sa 31st ASEAN Summit , gisundan kini sa pakighinagbo sa mga lideres sa Asya ug mga negosyante.

Ang mga kritiko ni Duterte nagbutyag nga gilikayan niini ang UN tungod sa isyu sa pagpatay sa mga adik sa druga dinhi sa pilipinas.

Apan, matud pa ni Roque, ang gobyerno wala nagsugo sa pagpamatay sa mga kriminal ug drug lord ug wala kini angayan likayan sa UN.-Harold V. Pontongan/Newsline.ph