8 sa 10 ka banatan-on naka-uyon kang Duterte

94 porsyento sa kabatan-onon sa Mindanaw naka-uyon ni Duterte, Hulagway nakuha adtong kampanya.-FILE PHOTO/Newsline.ph

DAKBAYAN SA DABAW, Mindanaw — Walo sa napulo ka bantan-on nakauyon sa pagdumala ni President Rodrigo Duterte, gani daghan sa ilaha ang nagtuo nga daghan pang maayong butang ang mahatag sa presidente alang sa nasud.

Sumatotal, 82porsyento sa kabatan-onan nakagusto kang Duterte.

Kini ang resulta sa bag-ohay palang na migawas nga  online survey nga gipahigayon sa Publicus Asia Inc’s “Pahayag”. Ang survey gihimo niadtong nobembre 5 handtud 12 nga gisalmutan sa 1,200 ka individual, ang political management firm nagpadagan sa survey aron makakuha ug pulso sa mga batan-on kabahin sa ilang panlantaw sa politika, economiya, media, ilang pamuyo ug sa ilang sosyo-politikal nga kalihukan.

Migawas sa survey nga 82 porsyento sa kabatan-onan o mga millenials nga nagpangidaron ug 18-36, ang naka-uyon sa pagpadagan ni Duterte sa nasud, gani sa Mindanao 94 porsyento ang naka-uyon kaniya.

Bisan gimakmak si Duterte sa iyang kritiko sa iyang mga pinulungan, pamustura ug iyang pagpadagan sa nasud, gilantaw si Digong nga usa ka lig-on nga lider sa mga batan-on o millenials.

Millenials ang tawag sa kabantan-onan nga natawo niadtong 1982 hangtud 2004.

Sumala pa ni Malou Tiquia ang nagtukod ug nagdumala sa Publicus, 74 porsyento sa millenials nagbutyag nga mitaas ang ilang panglantaw tungod kang Duterte, samtang 71 porsyento nagbutyag nga si Duterte ang nakapatagamtam nga sila magarbuhon; apan duna usab 16 porsyento nga wala maka-uyon ug 11 posrsyento ang nasuko sa presidente.

Migula sa survey nga nadawat sa mga batan-on ang pinulungan ni Duterte.-File Photo/Newsline.ph

Ilang gilantaw nga si Dutetre usa ka lider nga nagdala ug kabag-ohan (72 porsyento); nagmahal sa nasud (69 porsyento); ug (68 porsyento) nagbutyag nga ang natural nga pamarug ug pamustura sa publiko ni Duterte angayang daygon.

Ang mga kritiko ni Duterte nag sige ug panaway kay kuno si Duterte bastos ug baba, apan ang mga kabatan-onan nag-ingon nga normal lang kini kanila tungod kay honest man si Duterte.

Matud pa ni Tiquia, migawas sa survey nga walo sa napulo ka millenials nagtuo nga daghan pang nindot ang mahitabo sa Pilipinas uban kang Duterte, gani wala silay pakialam sa mga lenguahe, yaga yaga ug komedya ug mga postura ni Duterte.

Gani 65porsyento ang nagtuo nga ang sinulti-an ug mga binasa nga pamulong natural lang kay matinud-anon siya, samtang 71porsyento sa millenials nagsulti nga mao na kini ang kinaiya ug natural nga pamatasan ni Duterte .

Apan si Lilibet Amatong, ang usa sa nagtukod sa Publicus’ nagpahayag nga ang pagdawat sa mga batan-on kang Duterte wala nagpasabot nga pareho sila ug pamatasan “nagpakita lamang kini nga nakita sa mga batan-on nga ang liderato ni Duterte ang ilang gikinahanglan.”

Si Amatong nagbutyag nga 36porsyento sa mellinials naay pakabana sa isyu sa tawhanong katungod nga sa ilang tan-aw usa kini ka seryosong problema, ug 38porsyento kanila ug angayan kining lantawon nga problema.

Kadaghanan (43porsyento) sa mga batan-on mi-konsidera sa pagpamatay sa nasud usa ka kritikal nga isyu samtang pipila usab (18porsyento) nag ingon nnga kini seryoso nga hisgutanan.

Migula usab sa survey nga mayorya (72porsyento) kanila nakonteto sa kampaya sa goberno batuk sa ilegal nga druga.

Misugyot ni Amatong nga angayang  himoong giya sa gobyernong Duterte sa pag-montar ug polisiya alang sa nasud ang resulta sa survey .-Harold Pontongan/Newsline.ph