PDEA, PNP ug NBI maghiusa na sa drug war

DAKBAYAN SA DABAW, Mindanao— Malipayon nga gidawat sa Philippine Drug Enforcement Agency (PDEA) ang National Bureau of Investigation (NBI) isip  katambayayong sa gira kontra drug (Druag war).

Matud oa ni PDEA Director General Aaron Aquino “Kumpleto na ang lang grupo kay ang NBI ug ang Philippine NationalPolice (PNP) sa among gira kontra druga, kumpleto na mi, mas makapakusog sa kampayan batok sa ilegal nga druga.”

“Sa among panaghiusa, mas molig-on ang kampanya kay naay hini-usang direksyon nga nakatutok sa among misyon, masundan ang dagku nga mga grupo ug lider nga nagdumala sa pagpayuhot sa ilegal nga druga, gikan sa pinakataas hangtud sa pinaka-ubos mga personalidad,” Matud pa ni Aquino.

Ang PDEA ang manguna sa kampanya, ang NBI-Task Force Against Illegal Drugs (TFAID) motarget sa dagku nga mga target sa operasyon samtang ang kapulisan maka tutok na sa mga nagdumala ug nagpadagan sa druga sa kadalanan gikan sa distrito hangtud sa probinsya ug mga munisipyo.

Ang panaghiusa sa PDEA, NBI ug PNP namugna human mitugot si Justice Secretary Vitaliano Aguire nga magpadayon ang TFAID sa NBI sa ilang operasyon basi sa Republic Act 9165, o comprehensive Comprehensive Dangerous Drugs Act of 2002, ug ang pag isyu sa direktiba sa DOJ No. 778 kaniadtong Mierkules.

Mahinumduman nga niadtong Martes, mipagawas ug kamanduan si Presidente Rodrigo Duterte nga moapil [agbalik ang PNP sa kampanya kontra ilegal ng druga.

Sa pagpagawas sa order, matud pa ni Duterte, daku na ug naabot ang kampanya sa ilegal nga druga sa pagpanguna sa PDEA apan ang ilang operasyon mabakda tungod sa kakulang sa personahe, mao nga iyang gipasalmot sa kampanya ang NBI ug ang PNP.

Matud pa, mibalik na usab pagkusog ang kriminalidad ug pagtaas sa kaso sa ilegal nga druga sukad nawala ang PNP ug uban pang ahensya sa kampanya batuk sa ilegal nga druga.-Harold V. Pontongan/Newsline.ph