47 ka wanted nga Koreano gipapauli

Posted on

DAKBAYAN SA DABAW, MINDANAW — Gipapauli sa Bureau of Immigration ang 47 ka South Koreans nga dugay ng gipangita sa ilang nasud tungod sa nagkadaiyang salaud.

Gibutyag ni Bureau of Imigration Commissioner Jaime Morente nga ilang gipasakay sa Jeju Air flight ang mga Koreano gikan sa Ninoy Aquino International Airport (NAIA) samtang ang duha nga nadakpan as Dakbayan sa Sugbu didto gipasakay sa Mactan Airport niadtong Disyembre 4.

Gitunol gilayon ni Justice Secretary Vitaliano Aguirre II ang mga suspetsado sa otoridad sa South Korean ang mga nadakpan dinhi sa Pilipinas pagtugdon nila sa South Korea.

“Tanan sila among gipapauli subay sa balaud sa deportasyon ug basi sa kamanduan sa mga membro sa Board of Commissioners ug sila dili na makabalik sa Pilipinas kay blacklisted na sila o dili na sila dawaton kung gusto nila mobalik,” saysay ni Morente.

Kadaghanan sa mga gipapauli adunay kasong pag-pangilad ug kuarta, pang-ilad sa internet, pagpadala ug mga sulat ug mga mensahe pinaagi sa email aron mangilad, samtang aduna usab nag atubang ug kaso sa pagpamukbok ug adunay usa anila may kasong pagpamaligya ug iligal nga druga.

Gipapaui usab ang pito ka mga South Koreans nga dugay na sa Pilipinas apan wala mga dokumento,

Ang mga langyaw nadakpan subay sa hangyo sa International Police kon InterPol ug sa South Korean Embassy sa Manila.-Harold V. Pontongan/Newsline.ph

Be informed
  •  
  •  
  •  
  •  
  •  
  •  
  •  
  •  
  •