Duterte nagpalagpot og 10 ka opisyal niadtong 2017

During his inaugural speech in 2016, Duterte promised to get rid of corruption in government.-File Photo/ Karl Norman Alozon/PPD

DAKBAYAN SA DABAW, MINDANAW — Korapsyon ug mga alegasyong pagpasagad sa posisyon  ang kasagarang  hinungdan sa pagtaktak  ni President Rodrigo Duterte sa iyang mga gitudlo nga mga opisyal niadtong mialabayng 2017

Sa pagsugod pa lang ni Duterte sa iyang puesto, tataw niini nga gipamulong nga iyang undangon sa korapsyon sa nasud ug maskin lang aso kabahin sa korapsyon iya gilayon tanggalon ang mga nitungdan, pamulong nga iyang gibarugan.

Gani pipila sa iyang gitaktak mga suod niya nga amigo.

1. Peter Tiu Laviña-NIA Administrator- Administrador  administrador sa National Irrigation Administration (NIA). Gitudlo niadtong Nobiembre 16, 2016 apan dayon kining gitaktak niadtong Marso 2017 kay kuno nangayo og porsyento sa mga kontraktors.

Si Laviña nahimong tigpamaba atol sa kampanya ni Duterte ug nahimo sad kining chief of staff ni Duterte samtang mayor pa siya.

Peter Tiu Laviña

Wala gibutyag ni Duterte ang salaud ni Laviña apan sa iyang facebook nga post, Gipanghimakak ni Laviña ang mga taho.

Gani matu pa niya, nay mga tawo nga nagdaut sa iyang reputasyon ug kredibilidad.Matud pa ni Laviña biktima siya sa mga tawo nga adunay interes sa iyang buhatan.

.2. Mike Sueno-Secretary (Department of Interior and Local Government) – Sa atubangan sa mga opisyal sa Kabinete, gisipa  gilayon ni Duterte si Sueno sa alegasyong pag-sige korapsyon kabahin pagpamalit og Bosenbauer firetrucks from Austria.

Si Sueno usa sa mga opisyal sa partido sa Presidente nga PDP-Laban, gipalagpot niadtong abril, 2017.

Mike Sueno

Mahinumduman nga tulo ka Undersecreatry sa DILG misulat kang  Duterte kabahin sa mga hokus-pukos kuno sa DILG nga gipaluyuhan ni Sueno.

3. UnderSecretary Maia Chiara Halmen Valdez sa NFA (National Food Authority), gitaktak si Valdez sa alegasyong pagduso sa pagpalit ug bugas sa laing nasud. Apan si Valdez nagbutyag nga walay anomalya sa iyang rekomendasyon sa pagpalit ug bugas sa NFA tungod kay kulang ang suplay sa bugas sa nasud.

Si Valdez gipalagpot niadtong Abril, 2017.

4. Gertudo de Leon, Undersecretary sa Department of Budget and Management (DBM) tungod sa korapsyon matud pa ni Duterte,gani magpasalamat kini si de Leon kay wa sila mag-abot kay basin kuno ug iyang masagpaan.

5. Benjamin Reyes – Chairman sa Dangerous Drugs Board (DDB), giputbol ni Duterte si Reyes human kini mihatag ug mali nga inpormasyon kabahin sa numero sa mga adik sa nasaud.

6. Jose Vicente Salazar – chairman sa Energy Regulatory Commission (ERC) tungod sa taho kalambigitan sa korapsyuon.

7. Rodolfo Salalima – Secretary DICT (Departmene of Information, Communications and Technology), Gipapahawa si Salalima sa iyang posisyon tungod sa dili patas nga pagpanerbisyo sa iyang buhatan.

Gibutyag si Duterte nga siya mismo nagsugo sa pagpahawa kang Salalima tungod kay daghan na ang mireklamo kaniya ug sya midapig sa pipila ka negosyante.

8. Dionesio Santiago – Chairman sa (DDB) si Santiago mihulip kang Reyes sa DDB apan napalagpot tungod sa pagpataka ug yawyaw kabahin sa pagtukod sa gobyerno ug drug rehabilitation centers.

Terry Ridon

9. Terry Ridon – Chairman sa PCUP (Preisdential Commission on Urban Poor), gipalagpot ni Duterte ang tanang employeado sa ahensya ni Ridon tungod sa matud pa walay nahimo gawas sa sige ug biahe sa laing nasud samtang mga kabus napasagdan.

10. Elba  Cruz -Presidente sa DAP (Development Academy of the Philippines), tungod sa mga reklamo sa mga empleyado sa buhatan.

Ugma, laing opisyal na usab kuno ang palagputon ni Duterte sumala pa ni Harry Roque.

Si Roque nagbutyag nga wala pa siya makaila kinsa ang palgputon sa Presidente.-Harold V. Pontongan/Newsline.ph