Maestra ug driver sa motor Patay human natumbahan ug lubi

Posted on

DAKBAYAN SA TAGBILARAN, BOHOL—- Magtutudlo ug driver sa motor patay human aksidenteng natumbahan og punoan sa lubi sa nasudnong dalan didto sa barangay Poblacion 2, lungsod sa Mabini niadtong Enero 5, 2017.

Mga biktima giila nga sila si Jacel Dajalos y Barsibal, 24 anyos, dalaga, usa ka magtutudlo ug uyoan niini nga si Rogelio Barsibal y Tutor, hamtong ang panuigon, ulitawo, empleyado sa LGU-Mabini ug pulos lumulupyo sa Purok 6, barangay Minol, lungsod sa Mabini.

Nahitabo ang insidente mga alas 6:30 sa buntag. Samtang ang mga biktima luwan sa usa ka Yamaha Mio 125 nga motorsiklo nga gimanehoan ni Barsibal, Nagdagan padung sa barangay La Union, lungsod sa Candijay. Dihang pag-abot sa maong dapit kalit lamang nga natumbahan sa usa ka punoan sa lubi ug pulos naantimano sa pagkaigo sa ulo ug ilang lawas.

Patay diha-diha dayon ang maong mga biktima diin si Barsibal giingong nabuak ang ulo niini.

Si PO3 Brendez sa Mabini Police Station nga nahinabi sa BBDN nagbutyag nga ang maong natumba nga lubi dunay gitas-on nga 15 ka metros.

Dunay taho nga nahipos sa BBDN nga ang maong lubi giingong naigo sa liti ug namatay na kini ug malagmit maoy hinungdan sa pagkatumba niini. -Alan Andy Nalzaro Dalagan/Newsline.ph

Be informed
  • 43
  •  
  •  
  •  
  •  
    43
    Shares
  • 43
  •  
  •  
  •