Tigpamaba sa PNP giilisan

Posted on

DAKBAYAN SA DABAW, Mindanao— Opisyal nang  gihulipan ni Chief Superintendent  John Bulalacao isip tigpamaba sa Philippine National Police (PNP) si Chief Superintendent Dionardo Carlos kagahapon, Enero 30, 2018.

Si Bulalacao na ang hepe sa Public Information Office (PIO) sa kapulisan sukad kagahapon.

Gibutyag ni PNP chief Director General Ronald dela Rosa,  gawas sa iyang trabaho isip tigpamababa sa Kapulisan, si Bulalacao na usab ang makigkulokabildo sa membro sa media.

Si Carlos, gibalhin isip bag-ong hepe sa PNP Aviation Security Group (AVSEGROUP), human miretiro ang hepe nga si Chief Superintendent Sheldon Jacaban.

Kagahapon opisyal ng gisugdan sa PNP ang kabag-ohan sa implementasyon sa “Tokhang” ug gipagawas na usab sa kapulisan ang mga bag-ong kamanduan sa pagpatuman niini.

Sa Oplan Tokhan, ang kapulisan magdala na ug representante sa human rights group, membero sa simbahan ug membro sa media.

Ang kabag-ohan sa “Tokhang” gimugna human kini mi ani  ug mga pagsaway ug paglambigit sa kapulisan  sa paglapas sa tawhanong katungod sa mga suspetsadong tigpayuot ug ilegal nga druga.

Gani matud pa, gisakyan sa  mga abusadong membro sa PNP ang operasyon  pinaagi sa pagpamatay sa ilang mga bata bata nga tigpayuhot sa druga.

Si Bulalacao ug Carlos dungan nga mi-gradwar sa Philippine Military Academy Maringal class of 1988.-Harold V. Ppontongan/Newsline.ph

Be informed
  •  
  •  
  •  
  •  
  •  
  •  
  •  
  •  
  •