30 ka mahalong sakyanan gipusa sa Bureau of Customs

Mga mahalong sakyanan nga gipangguba didto sa Port of Manila.-Presidential Photo

DAKBAYAN SA DABAW, Mindanao — Traynta ka mga mahalong sakyanan nga nasakmit  sa Bureau of Customs sa pantalan sa Davao, Cebu ug Manila, ang  dungan nga gipangguba  kaganinang alas dos sa hapon, Pebrero 6, 2018.

Ang mga kontrabandong sakyanan giguba tungod kay wala kini mga saktong papeles ug  walay klarong deklarasyon, gani wala na magpakita ang mga tag-iya ug ang gipaldalhan sa  mga mahalong sakyanan.

Mokantidad og kapin  P61-milyones ang kantidad sa 30 ka sakyanan.

Mga sakyanan nga nasakmit sa Bureau of Customs XI.-Rey Nuñez/Newsline.ph

Ang pag-pangguba  sa Manila gitambungan mismo ni Presidente Rodrigo Duterte.

 Dinhi sa dakbayan,  gipusa sa backhoe ang usa ka segunda manu nga  Toyota Thundra, usa ka used Mercedez Benz 2012 model, duha ka bag-ong Toyota Land Cruiser L200, usa ka brand new Mercedez Benz ug duha ka mga bag-ong Toyota Land Cruiser V8 2013.

Didto sa Port of Manila  20 ka mga mahalong mga sakyanan ang giguba, samtang tulo usab  didto sa  Port of Cebu.

Mga mahalong sakyanan nga gipangguba didto sa Port of Manila.-Presidential Photo

Ang pagguba sa mga sakyanan gihimo atol sa  ika-116 nga anibersaryo sa Bureau of Customs.

Una niini, wala misugot si Presidente Duterte nga isubasta ang mga sakyanan, tungod kay matud niya, paliton lang gihapon kini sa mga adunahan nga nanag-iya niini.-Rey Nuñez/Newsline.ph

Be informed
  •  
  •  
  •  
  •  
  •  
  •  
  •  
  •  
  •