Pito ka batang lalaki gimolestiya ug mga bayot sa Inabanga Bohol

Posted on

LUNGSOD SA INABANGA, Bohol —- Pito ka mga batang lalaki giingong gipanghatud sa tambalanan human gipangsakitan sa ilang mga lobot dihang gialegar nga gipangmolestiya sa tulo ka mga lalaki nga gituohang mga bading didto sa lungsod sa Inabanga.

Sigun sa taho,  ang mga biktima sagad nagpangidaron ug lima hangtud sa pito ka tuig ningreklamo sa ilang mga ginikanan human sila giingong gipangmolestiya sa tulo ka mga suspetsado kinsa pulos nagpangedaron og 15 anyos.

Matud sa taho nga pulos nangasamad ang mga lubot sa mga biktima human sila gipanggamit sa maong mga bayot. Hinungdan nga gipanghatud kini sa Gov. Celestino Gallares Memorial Hospital sa siyudad sa Tagbilaran.

Gikuyogan ang mga biktima sa ilang mga ginikanan ug tinugyanan sa Municipal Social Welfare and Development Office kun MSWD sa maong lungsod aron ipahiling kini sa doktor alang sa medico legal.

Dason sa maong taho nga aduna pay laing walo ka mga bata ang nabiktima sa maong mga suspetsado  kinsa anaa na sa kustodiya sa MSWD sa Inabanga.

Padayon pang gisusi sa Women and Children’s Protection Desk sa Inabanga Police Station ang maong kaso.-Alan Andy Nalzaro Dalagan/Newsline.ph

Be informed
  • 15
  •  
  •  
  •  
  •  
    15
    Shares
  • 15
  •  
  •  
  •