Bato nang apud-apud ug sakyanan sa kapulisan sa PRO XI

Posted on

DAKBAYAN SA DABAW, Mindanao —Gipanguna ni Police Director Ronald Dela Rosa ang pagbendisyon ug pagtunol sa  sa mga bag-ong sakyanan,  trak ug motorsiklo alang sa mga pulis sakop sa Pollice Regional Office XI niadtong Lunes,  Pebrero 26, 2018.

Nagkantidad ug 57Million pesos ang mga sakyanan gikan mismo sa pundo sa PNP.

Sa 23 ka mga 4×4 toyota hilux pick up, gibahin sa   tag napulo ang Davao Del Sur Police Provincial Office, Davao Occidental Police Provincial office ug Compostela Valley Police Provincial office samtang tulo alang sa Regional Mobile Force Battalion.

Sa 44 ka mga motorsiklo,  tag napulo sab alang sa Davao del sur… Davao occidental,  ug Compostela Valley Province, samtang 14 alang sa Davao City Police Office (DCPO)

Sa tulo ka truck,  duha niini alang sa Regional Mobile Force Battalion ug isa sa Davao Del Sur.

Samtang walay  nadawat ang Davao Oriental Police Provincial Office ug Davao Del Norte Police Provincial Office

Suma ni Gen Dela Rosa, nga magpaabot abot lang usa sila sanglit naa poy alang kanila.

Apan, gipasidan-an ang kapulisan nga ampingan ug gamiton sa opisyal nga mga lakaw ang mga sakyanan.

Nanghinaot sab si Dela Rosa nga mas mamahimo pa nila ang ilang mga trabaho sanglit duna na silay patrol vehicles nga magamit.-Rey Nuñez/Newsline.Ph

Be informed
  • 30
  •  
  •  
  •  
  •  
    30
    Shares
  • 30
  •  
  •  
  •