Kapin libo ka NPA suporters misurender sa Monkayo

Posted on

LUNGSOD SA MONKAYO, Mindanao— Kapin sa libo nga mga sakup ug supporters sa New Peoples Army  NPA) ang ni surrender sa sabakan sa balaud sa lungsod sa Monkayo, karong adlawa, Lunes, Marso 5, 2018.

Sa pagpanguna ni Mayor Ramil Gentugaya uban nila, Lt. Col. Oscar Balignasay, 25thID Batt Com ug Police Superintendent Gerry Abrogena MPS chief sa Monkayo, napahaluna ang pagkanaug sa maong mga surrenderees sa unang napulo ka barangay nga naglangkub sa Pasian, Rizal,Baylo, Salvacion, union,Upper Ulip, Tubotubo, Mamunga, Nabuk ug Babag.

ComVal Police provincial Director Supt. Marvin Pipino (ikawtulo gikan sa tu-o) nalipay sa suporta sa katawhan nga misurender.-Alfonso “Jun” Tabas Jr.

Sumala ni Mayor Ramil Gentugaya nga buot sa mga nisurender nga malimpyo ang ilang mga pangalan ug gipangkapoy na sila sa ilang pagtago-tago ug pakigbatuk sa Gobyerno.

“Mas modaghan pa ang mosurender tungud kay matag usa sa kanila adunay ginapanganlan nga mga personalidad ug indibidual nga nahilambigit sa kalihukan sa pikas,” sumala ni Gentugaya.

Ang mga nanurender, “Mao kini ang mga naga suporta gayud sa nagkadaiyang paagi, look-out, suluguon ug asset. Apan wala na sila nangahadluk tungud sa ilang pagsalig sa programa sa National nga panggamhanan ni Presidente Rodrigo Duterte ug sa lokal nga lideres sa panguna  ni Gobernador  Jayvee Tyron Uy, nga bisan wala sila mahilakip sa Enhanced Comprehensive Program alang sa mga armado gayung NPA apan adunay gigahin nga programa ang probensya alang sa livelihood program alang kanila.”

Mga molupyo sa ComVal, gawasnon nga misurender ug nagbutyag nga dili na silia mosuporta sa kalihukan sa mga rebelde.-Alfonso “Jun” Tabas Jr.

Sumala pa ni ComVal Police regional director Superintendent Marvin Pipino “Dagkung kalipay ang among gibati tungod kay ang katawhan na ang boluntaryong misurender, naghinaut ko nga aduna nay kalinaw sa atong probinsya ug malinawon na ang komunidad.”

Sa susamang bahin, gibutyag ni 25thIB Battalion Commander Lt. Col. Oscal Balignasay,  nga walay angay ikahadluk sa mga nagtahan sa ilang kaugalingon sa pagbalik sa balaud tungod kay seryoso ug tinuod-anay ang tabang sa gobyerno kanila.

Si Police Superintendent Gerry Abrogena, hepe sa Monkayo police malaumon usab nga ubay ubay pa ang mosunod sa pag surrender ingun nga nakita na sa mga nahisalaag nga walay kapuslanan ang gihimong mali nga pakigbisug.

Pinaagi niining mass surrender, hinayhinay na nga mabalik ang tinuod nga kalinaw, matud pa ni Uy.

Ugma, gilauman nga kapin sa libo na usab nga ihap nga mosurrender gikan sa laing napulo ka barangay nga mokanaug, sila magagikan sa barrio sa  Makupa, Inambatan, Olaycon, Banlag, Kasuon, San Isidro,San Jose, Polacion,Awao ug Haguimitan, ug human niini isunod na ang barangay Mount Diwata nga gilaumang moduble ang ihap sa mga manurender.

Ang maong kalihukan sa Monkayo, sinugdanan pa lamang sa kinatibuk-ang kampanya sa tibuok probinsya sa Compostela Valley nga puy-an na ang kalinaw ug kab-uton ang hiniusang kalambuan.-Alfonso “Jun” Tabas- Media Affairs PGO/ID Comval

Be informed
  • 3.9K
  • 2
  •  
  •  
  •  
    3.9K
    Shares
  • 3.9K
  • 2
  •  
  •