Eskuelahan sa Baguio District naugdaw

Posted on

DAKBAYAN SA DABAW, Mindanao — Unom ka mga kuarto sa Baguio Elementary School,  ning  Dakbayan, ang naugdaw sa sunog alas 2:30 sa hapon kagahapon, Abril 14, 2018.

Ang unom ka mga kuarto sa maong tulonghaan ang giukupa sa Grade 5 ug Grade 6,  ang gilamon sa kalayo.

Gilayong miresponde ang kapulisan sa Baguio Police Station sa panguna mismo sa ilang hepe nga ni Police Senior INspector Merlito Tubog, ilang gisuwayan sa pagbubu ug tubig apan pakyas sanglit hilabihang kusuga sa kalayo.

Alas 3:00 na sa dihang naabot ang Calinan Fire Station dayon nasundan sa alas 3:20sa hapon sa pag abot sa Central 911.

Alas 3:30 sa hapon sa dihang na deklarang kontrolado na  ang sunog.

Sa pasiunang  imbestigasyon,  ngna gihimo ni   FO3 Joel Mamburang sa Calinan Fire Station, electrical short circuit ang hinungdan sa sunog.

Gibana-bana nga mokabat sa  usa ka gatos sa ka libo ka pesos (100,000.00) ang danyos.

Walay gikatahong  nasamdan o naangol atol sa insidente sanglit wa say klase sa dihang nahitabo ang sunog.-Rey Nuñez/Newsline.Ph

Be informed
  • 31
  • 1
  •  
  •  
  •  
    32
    Shares
  • 31
  • 1
  •  
  •