Tulo ka opisyales nga naa sa Narcolist sa Ozamiz, dugay ng wanted

Posted on

DAKBAYAN SA  OZAMIZ , Mindanao—Tulo sa lima ka opisyales sa barangay dinhi Ozamiz, dugay na gipangita tungod sa nagkadaiyang kaso nga ilang giatubang.

Sa lima ka opisyals sa barangay nga nalakit  sa listahan,  nga gipagawas sa Philippine Drug Enforcement Agency (PDEA) niadtong Lunes, tulo niini nagtago-tago na.

Sa listahan sa PDEA,  migawas ang pangalan nila ni Tinago Barangay chairman Brendon Franciso alyas Endoy ug si Barangay Cogon Kagawad Marlon Parojinog, alyas Ailon ang milayas ug mitago human nga mapatay si Ozamiz City Mayor Reynaldo Parojinog, Sr., sa usa ka drug operation niadtong nakalabay nga tuig.

MARLON-PAROJINOG-ALYAS-AILON

Sila si Brendon ug Ailon pulos nga mga paryente ni Parojinog.

Lakip usab sa nag-tagotago mao si Barangay Kagawad Elwell Cabardo alyas Jongjong,  sa Barangay Malaubang, siya naka-ikyas sa gihimong raid niadtong milabayngn tuig.

Sumala pa ni Police chief inspector Jovie Espenido, hepe sa Ozamiz City PNP,  gusto niyang personal nga maka-istorya ang ang mga opisyales sa barangay nga naa sa Narcolist sa panahon nga makadawat na usab siya sa kopya niini.

Sa usa ka press conference, gipadayag ni Espenido nga gusto siya nga personal gyud nga madungog gikan sa mga nalambigit sa illegal nga droga sa barangay ang ilang mga katarungan kay gusto siya nga magprangkahay sila ug dili ipaagi sa tsimis.

“Gusto gyud naku mag-personalay mi ug istorya, kanang heart to heart ba,” subli ni Espenido.

Hulagway ni BRENDON-FRANCISO-ALYAS-ENDOY.

Gipadayag ni Espenido nga wala pa siyay kopya sa maong listahan apan dako ang iyang pagtuo nga posible ang ubang naa sa listahan gikan ra usab sa rekomendasyon sa PNP.

Kahinumduman nga human  sa pag-pangronda sa balay sa mga Parojinog,  mikatag usab ang mga larawan sa mga wanted nga adunay patong sa ulo nga reward sa Ozamiz City. Lakip ang larawan sa tulo.

Sila si Brendon, Marlon ug Cabardo anaa sa Narcolist sa PDEA nga gipagawas ug wanted usab sa Ozamiz nga adunay nakapatong nga ganti nga P250,000 ang matag-usa.-NEPTALIE BATOLENIO/Newsline.ph

Be informed
  • 71
  •  
  •  
  •  
  •  
    71
    Shares
  • 71
  •  
  •  
  •