Jeep nga gisakyan sa 4P’s beneficiares nabangga, pito ang patay, 44 samaran

Posted on

DAKBAYAN SA PAGADIAN (Hulyo 19) — Pito ang patay, samtang 44 ang samaran, human nawad-an ug preno ang  pampasaherong jeep nga ilang gisakyan padulong magkuha sa ilang a Pantawid Pamilyang Pilipino Program o 4Ps  alawans dinhi sa sentro sa  Pagadian.

Ang aksidente nahitabo sa highway ng Barangay Dao, Pagadian City, kagahapon sa buntag, Hulyo 18.

Sa Facebook post ni   Zamboanga del Sur  Acting  Vice Governor Ace Cerilles , iyang gubutyag   “7 na kabuok ang patay, og naay 10 kabuok nga critical ang kondisyon and under observation.”

Mga benepisayares sa 4P’s nanga-angol human nawad-an ug preno ang jeep nga ilang gisakyan.(Hulagway dikan sa Facebook ni Acting Vice Governor Ace Cerilles)

Midugang si Cerilles ” I-shoulder sa tag-iya sa armak ang expenses sa mga namatay. Ang atong Provincial Government padayon pod ang pagtabang og pag-assist sa mga biktima.”

Matud pa sa taho, gikan sa barangay Labangan, Zamboanga del Sur ang mga biktima ug padulong mag-widro sa ilang binulan nga hinabang pinaagi sa 4P’s, sa dihang nahitabo ang aksidente.

Nangalagpot ang mga pasahero sa dalan, gani adunay mga nagdala ug mga bata.

Gideklarang dead upon arrival silas Ernesto Genecan, Joly Genecan, Tato Genecan, Lots Pecay, at Marry Joy Gengan, aduna pay wala mailhing biktima .

Matud pa ni Cerilles, atimanon sa tag-iya sa sakyanan ang mga biktima ug ang mga pasahero nga tua pa sa hospital.

Nagduda si Cerilles nga na-overload ang sakyanan.

Ang mga nanga-angol nga pasahero dayong gidala sa Zamboanga del Sur Medical Center.

Nagpasalamat si Cerilles sa mga malumong kasingkasing nga mitabang sa mga biktima “Daghang salamat sa tanang ning-volunteer og tabang ganina, labi na gyod ang mga taga-Dao, mga Doctors and medical team sa ZDSMC, atong mga officials og tanod nga ningresponde. Padayon ang atong monitoring, og tabangan nato sa pag-ampo ang tanang biktima.”-HVP/NewsLine.ph

Be informed
  • 47
  •  
  •  
  •  
  •  
    47
    Shares
  • 47
  •  
  •  
  •