Duterte nagpasingulan aron mapadayon ang programa

Posted on

DAKBAYAN SA DABAW (Agosto 10)— Nagpasingulan ug nahumod si Presidente Rodrigo Duterte sa dihang gipahigayon ang “pass and review” sa Camp Crame niadtong Martes Agosto 8.

Wala panumbalinga sa Presidente ang ulan,ug wala kini mosugot nga i-undang ang iyang pagtuyok ug gani wala pud kini mosugot nga mogamit ug payong kay abri man ang atop sa iyang gisakyan.

Nahumod si Duterye samtang nagpadayon ang iyang pagtuyok tuyok sa membro sa kapulisan atol sa  ika-117 nga anibersaryo sa kapulisan didto sa Kampo Crame, Quezon City.

Makitang basa kaayo si Presidente Rodrigo Duterte kay kusog ang uan samtang gipahigayon ang pass and review didto sa Kampo Crame niadtong Martes Agosto 7.-Hulagway kuha ni Ace Morandante/PPD

Gipakita sa Presidente ang iyang ka-sinsero sa iyang pagpanerbisyo, gani, matud pa sa iyang mga empleyado-dili sila ka tuo nga himuon kadto ni Duterte.

Atol sa iyang pagpamulong, gi-awhag ni Duterte ang kapulisan nga mag-matinud-anon sa ilang panerbisyo kay ang sueldo nga ilang ginadawat, singot ug kusog sa katawhang Pilipino.

“Mahala ninyo ang Pilipinas, mao ni ang atong nasud, serbisyuhi ninyo ang katawhan kay sila maoy nag sueldo kaninyo,” gibatbat ni Duterte.

Pag-abot ni Duterte sa intablado, igo ra king namagpag sa kabasa sa iyang sinina ug gipadayaon ang programa.-Harold V. Pontongan/NewsLine.ph

 

Be informed
  • 32
  •  
  •  
  •  
  •  
    32
    Shares
  • 32
  •  
  •  
  •