Gatusan ka pulis nagbantay sa demolisyon sa 30 ka balay

Posted on

DAKBAYAN SA DABAW (Septembre 26) —  Gatusan ka pulis ang gipakakatag samtang gihimo ang demolisyon sa Traynta (30) ka balay kaganinang buntag didto sa purok 5 Puan, Talomo ning syudad.

Nakapuesto ang kapulisan sa mga lugar nga gi-dimolis samtang  gipatuman ang kamanduan sa  ‘Writ of Demolition’ nga gipakanaug ni Judge Emmanuel Carpio.

Gihimo ang demolisyon alas 8:00 kaninang buntag, subay sa kamanduan sa korte, tungod kay kuhaon na sa tag-iya ang iyang usa ka ektaryang luna.

Gipahigayon ang demolisyon sa yuta nga gipanag-iyahan sa mga Gaisano, kay ila na kunong butangan ug Mall ang ilang propidad.

Adunay mga mulopyo nga boluntaryong miguba sa ilang balay, samtang  ang uban gitugyan nalang nila sa demolisyon team.

Walay relokasyon nga gihatag alang sa apektadong pamilya tungod kay pribado ang yuta.

Matud pa sa mga residente, daghan ra daw kaayo ang gipadala nga pulis sa ilang lugar nga mura kuno ug “OA” kon Over Acting na.

Apan, gitubag ni  Davao City Police Office Director Superintendent Alexancer Tagum, nga walay labot sa yawyaw sa mga naapektuhan  “Wala koy labot ug muingon sila nga OA ra kaayo nga daghang pulis ang gi-deploy, importante sa akoa nga masigurong hapsay ug way mahitabong kasamok.”-Reeya Nuñez/NewsLine.ph

Be informed
  • 31
  •  
  •  
  •  
  •  
    31
    Shares
  • 31
  •  
  •  
  •