2 ka kapitan sa Davao del Sur nga apil sa narcolist ni Duterte sikop

Posted on

DAKBAYAN SA DABAW (Oktobre 7)— Duha ka kapitan sa Davao del Sur nga apil  sa narcolist ni Presidente Rodrigo Duterte ang nasikop sa mga membro sa Regional Mobile Force,  nga naghupot ug illegal nga druga niadtong Biernes, Oktobre 5.

Pinasubay sa siyam (9) ka Search Warrant nga gipakanaug sa korte, gihimo ang operasyon nga miresulta sa pagka sikop  sa unom ka mga suspetsado ug ang duha ka kapitan.

Giila sa kapulisan ang duha ka kapitan nga sila si Glaymypher Ayok sa Barangay Bitaug ug si Samuel Dicdican sa Barangay Buenavista.

Nakuha gikan sa balay  ni Ayok ang duha ka pakete sa gitouhang shabu ug mga armas, samtang tulo usab ka putos sa gitouhang shabu  ug mga armas ang nakuha kang Dicdican.

Sumala ni Superintendent Maximo Frial Sebastian, ang hepe sa RMF sa Davao del Sur, dugay na nilang gisundan ang mga kapitan tungod sa mga taho nga sila nagbaligya ug nagagamit sa illegal nga druga.

Apan matud pa ni Ayok, dugay na kaayo siya miundang sa maong bisyo.

Si Dicdican usab nanghimakak sa mga pasangil kaniya.

Ang duha ka kapitan nanghimakak sa salaud , bisan pa man ug nakuhaan sila ug illegal nga druga sa ilang mga balay.-Harold V. Pontongan/NewsLine.ph

Be informed
  • 115
  •  
  •  
  •  
  •  
    115
    Shares
  • 115
  •  
  •  
  •