Babayeng Titser, usa usab ka lisensyadong embalmer

Posted on

DAKBAYAN SA DABAW (Oktobre 9) — Usa ka babayeng Grade 6 titser sa pampublikong tulunghaan didto sa Linmansangan Elementary School sa Binalonan, Pampanga,  ang adunay pinasahing abilidad, titser na-embalmer pa!

Siya si titser Leda Cariño, lisensyadong maestra og  lisensyadong embalmer, anak sa tag-iya ug punerarya, ug  iya kining gipasigarbo.

Negosyo na sa pamilyang Cariño ang punerarya, ug mao kini  ang kabilin sa ilang amahan.

Ang nag-igsoong Cariño, pulos lisensyadong embalmer, gitudluan sila sa ilang amahan  unsaon pag-embalsama niadtong gagmay pa sila.

“Gamay pa ko, ginauban na ko sa akong papa kung na syay i-imbalsama, tigtunol ug mga gamit-hangtud nakat-on ko,” saysay ni titser Leda.

Maskin kuno ug naa sya lisensya isip embalmer, dili pa kini kasapar sa ilang galastuhan, maong naka desisyon sya mga mag-maestra.

“Ako na man gyung damgo nga mamahimong maestra, mao tong naningkamot ko,” matud ni Leda.

Gani, ang gustong mamahimong embalmer iya sab  ginatudloun tungod kay usa kini ka desinting trabaho.

Usahay, mokuyog kaniya ang iyang duha ka anak kung naa syay i-embalsama, ug gani ang iyang kinamagulangan kamao na mo-embalsama “ako syang gitudlu-an,” matud ni titer Leda.

Ang bana ni titser Leda, drayber usab sa ilang porlon, samtang ang iyang mga igsoon, maoy nagpadagan sa ilang negosyo.

Apan, tungod sa ka busy ni titser Leda, tagsa na lang sya maka-embalsama.

Garbo ni titser Leda nga siya embalmer,  tungod kay kini usa ka desenting trabaho nga maoy nakatabang sa ilang kalisud kaniadto.

Si titser Leda, desisais (16) ka tuig ng magtutudlo sa ilang lugar.

Sa laing nasud, pirting mahala ang sueldo sa mga embalmer, tungod kay lisod magkuha ug lisensya niini.

Ang istorya ni Titser Leda, gi-mantala sa Philippine News Agency.-Jian A. Padillo/NewsLine.ph

Be informed
  • 13
  •  
  •  
  •  
  •  
    13
    Shares
  • 13
  •  
  •  
  •