Congresswoman Catamco ug BM Piñol moatbang sa mag amahang Taliño

Posted on

AMAS, North Cotabato (Oktobre 16)— Opisyal ng nipasaka sa ilang kandidatura isip Gobernador ug Bise Gobernador sila North Cotabato Second District Cogresswoman Nancy Catamco ug board member Socrates Piñol kaganinang buntag dinhi sa probinsyal nga buhatan sa Commission on Elections (Comelec).

Usa ka Panuvaran o ritual ang gipahigayon sa mga lideres sa lumad sa probinsyo ang gihimo sayo sa  buntag aron mangayo ug bendisyon ug giya sa labawng makagagahum sa pagdagan ni Catamco.

Si Catamco lumad nga Manobo-Tagabawa ug chairperson sa Committee on Indigenous Peoples sa Congresso,  mahuman ang iyang ikatulong termino sa Hunyo 30, 2019.

Samtang si Piñol usa pa lang ka termino nanerbisyo isip Board Member.

Sa pakighinabi sa membro sa media, gibutyag ni Catamco nga nakadesisyon siya nga modagan isip Governador tungod sa hangyo sa katawhan sa probinsya, nga matud  gi-uhaw na sa tinoud nga kabag-ohan sa natad sa poitika, ekonomiya ug aron matagaan ug oportunidad ang katawhan nga molambopinaagi sa pakigtimbayayong  sa  mga programa sa goberno.

Si Catamco ug Piñol moatbang sa mag amahang Taliño, si Governador Emylou “Lala”  Taliño modagan isip bise gobernador sa iyang amahan nga si kanhi governador Roger Taliño.

Si Piñol manghud ni Agriculture Secretary Emmnuel Piñol.

Nanaad si Catamco ug Piñol sa usa ka limpyo ug malinawon nga eleksyon sa May 9, 2019. Sila modagan ubos sa Partido   Demokratiko Pilipino  Lakas ng Bayan (PDP-Laban).-Harold V. Pontongan/NewsLine.ph

 

Be informed
  • 21
  •  
  •  
  •  
  •  
    21
    Shares
  • 21
  •  
  •  
  •