Pagretiro ni Cardinal Quevedo gikasubo sa iyang suporters

Posted on

DAKBAYAN SA DABAW (Nobembre 8) —  Daghan ang hangtud karon nahasubo  sa pagretiro ni Cardinal Orlando Quevedo, ang Arsobispo sa Ctabato City.

Ang pagretiro sa 75-anyos ang Cardinal  gi-anunsya sa Roma niadtong Martes sa hapon.

Gipasa ni Quevedo ang iyang “resignation”  isip Arsobispo  sa Cotabato sa buhatan sa Santo Papa didto sa Roma upat ka tuig na ang milabay.

Kinahanglan mopasa ug resignation ang usa ka Obispo o ministro sa simbahan  pag abot edad nga 70 aron opisyal kini nga matala sa mga  sa Roma.

Si Obispo  Angelito Lampon sa Jolo ang gihulip  kay Quevedo.

Sa iyang sulat sa Santo papa,   si Quevedo nagkanayon “human sa 20 ka tuig naku nga pagserbisyo sa teritoryo sa  Bangsamoro,  akong itunol ang liderato kang  Archbishop-elect Angelito Lampon, sama kanako  usa siya ka misyonaryo sa  Oblate of Mary Immaculate (OMI).”

Si Quevedo usa ka aktibong ministro sa simbahang katoliko nga nagsangyaw  alang sa  kahusay ug kalinaw sa Mindanao.

Gipasa ni Quevedo ang iyang resignation niadtong 2014,  tungod kay niabot na sya sa iyang “Canonical age” ug tanang ministro kinahanglan nga moretiro na sa maong edad. Apan wala kini dawata sa Santo Papa, hinoun gihimo siyang Cardinal.

Naordinahan si Quevedo sa iyang pagkapari niadtoong Marso 26, 1977 sa Tamontaka, Cotabato City.

Si Marciano Dupo, 65, sa pakighinabi sa NewsLine.ph nagkanayon “Sakit palandungon nga miritiro na sya, nasubo gyud ko, pero kinahanglan  na sab niya nga mopahulay. Ang iyang kaboutan ug ang iyang adbokasiya sa kalinaw nitatak sa akong panumduman.”

Sama sa daghang taga rehiyon, nasubo usab si Rosa  Basto, 46, sa pagretiro sa Cardinal “Kung puede pa ang unta gud nga dili sya moritiro, mingawon mi sa iya, ang iyang sermon kabahin sa pagmahal sa pamilya ug kahusay ug kalinaw, maoy among pirmi mahanduraw kung naa sya sa altar.”-ezc/NewsLine.ph

 

 

 

 

 

Be informed
  • 2
  •  
  •  
  •  
  •  
    2
    Shares
  • 2
  •  
  •  
  •