2 ka Batan-ong membro sa Maute misurender

Posted on

DAKBAYAN SA COTABATO (Disyembre 24) — Duha ka menor de edad nga membro sa teroristang grupo sa Maute ang misurender kang Cotabato City Mayor Cynthia Guiani-Sayadi kagahapon, Disyembre 23.

Gi-presente ni Sayadi ang duga ka minor de edad sa mga membro sa media sa City Hall, kuyog ang mga kadagkuan sa kapulisan ug kasundalohan, apan ang Mayor mihangyo nga dili na nganlan tungod sa ilang kabatan-on.

Sumala ni Senior Supt. Rolly Octavio, director sa kapuiisan, boluntaryong miangkon ang mga batan-on nga sila membro sa  Dawlah Islamiyah, o nail-han nga  Maute terror group, nga naka-base sa Lanao del Sur .

Gi-angkon usab nila  nga sila gibansay na aron maghimo ug bomba og unsaon pag-atbang sa goberno, sila ubos sa kamanduan ni Ansar al-Khilafa Philippines (AKP) sa  Palimbang,  Sultan Kudarat niadtong  2015.

Sumala ni Sayadi, ang mga ginikanan sa mga batan-on ang midoul kaniya, aron isurender ang ilang mga anak.

Gibutyag usab sa duha,  nga ang Maute maoy nagpaluyo sa pagpamomba sa  Roxas market sa Dakbayan sa Dabaw niadtong Sept. 2, 2016,  nga mikalas sa kinabuhi sa   17  indobodual samtong 60 ang samaron.-Harold Pontongan/NesLine.ph

 

Be informed
  • 68
  •  
  •  
  •  
  •  
    68
    Shares
  • 68
  •  
  •  
  •