Balaud nga magbutang og Timbangan ng Bayan aprobado na sa Kongreso

Posted on

DAKBAYAN SA DABAW (Agosto 30) — Gi-aprobahan na sa Kongreso sa ikatulong pagbasa ang balaud nga nagmandu sa pagbutang ug Timbangan ng Bayan sa tanang palengke sa tibouk kapupud-an aron malikayan ang tikas sa mga merkado.

Sa boto nga 199-0, gi-aprobahan sa Kongreso ang House Bill 7857, nga gipasaka ni House Speaker Gloria Macapagal-Arroyo, magmugna ug opisyal nga timbangan sa matag palengke ug nanghinaut kini nga motakdo ang tanang timbangan aron dili na matikasan ang mga konsumidor sa mga maru nga negosyante.

Kung aprobahan ni Presidente Rodrigo Duterte ang maong balaud, kini nagpasabot nga ang tanang konsumidor puede mohapit sa Timbangan ng Bayan ug otrohon ug pisar o timbang ang ilang pinalit aron makasiguro nga takdo ang timbangan sa tindahan nga ilang napalitan.

Matud pa ni Arroyo, “Makatabang ang Timbangan ng Bayan sa katawhan kay kini makasiguro nga takdo ang pisar sa mga palaliton nga gigamitan ug timbangan.”

Ang balaud, gilauman nga isulod sa Akta Republika 7394, o “Consumer Act of the Philippines,” nga nagmando sa lokal nga panggamhanan nga magmugna ug Timbangan ng Bayan sa tanang pampubliko ug pribadong merkado, ug sa mga gagmayng tabo-tabo.

Ang balaud usab nagdili sa tanang negosyante sa pagkambyo, sapaw, pagkuris-kuris o pagguba o pag-otro sa tipo sa Timbangan ng Bayan o sa pagtanggal sa silyo niini.

Gipasaka ang maong balaud tungod sa dakhang reklamo sa pagpanikas sulod sa mga merkado kabahin sa mga timbangan nga way klaro, daghang kunsomidor ang magyawyaw kay ang mga timbangan dili ontup ang pisar, nga moresulta sa pagkalugi sa mga mamalit ug mamahimong away.

Ang masakpang nanikas o molapas sa maong balaud pagasilutan sa balaud ug mobayad ug tres sientos mil depende sa kadaku sa iyang salaud ug mapriso hangtud lima ka tuig.-Harold Pontongan/NewsLine.ph

Be informed
  • 31
  •  
  •  
  •  
  •  
    31
    Shares
  • 31
  •  
  •  
  •