Dugang upat ka presinto sa kapulisan giuyonan sa konseho

Posted on

DAKBAYAN SA DABAW, Mindanao — Magarbuhon karon ang Davao City Police Office nga giuyunan sa Davao City Council ang ilang sugyot nga madugang ug upat ka bag-ong presinto ang kapulisan aron masepektibo silang mo responde panahon sa emerhensiya.

Giduso ni Davao City Police Director Alexander Tagum ang  sugyot sa Konseho ug kini parobaling gi-uyonan sa mga konsehal piaagi sa Resolution No. 01860-60 series of 2018 kon Expanded DCPO.

Sumala sa opisyal nga tigpamababa sa DCPO, PSI Maria Theresita Gaspan nga ilang gikalipay ang pag approved sa City Council. Ubos sa Expanded DCPO, upat ka mga Police Station ang madugang diin maapektuhan niini ang area sa Sta Ana Police Station 1, San Pedro Police Station 2, Talomo Police Station 3 ug Buhangin Police Station 5. Kining upat ka mga Police Station giingong mga hilabihan ka busy ug dagko nga mga istasyon sa Dakbayan sa Davao.

Dugangan sab ug duha ka mga Company ang City Public Safety nga tawgon na ug City Mobile Force Companies.

Dungan sa maong proposal giduso  usab sa DCPO ang usa ka Special Recruitment ug Special Quota alang lamang sa DCPO nga 1700 ka mga dugang Police.

Pinaagi niini makab-ot na sa DCPO ang ideal nga 1 Police Officer alang sa 500 individuals.

Sa karun, tungod sa kakulangon sa pulis, ang usa ka Police gabantay ug 800 ka mga tawo.

Gilauman nga sa tuig 2020 pa ma implementa ang Expanded DCPO sanglit nanginahanglan sab kini ug dugang pundo arun mapatuman.

Ang approved Resolution sa City Council ang ipadala sa DCPO sa Napolcom ug sa National Headquarters sa Camp Crame. -Rey Nuñez/Newsline.ph

Be informed
  •  
  •  
  •  
  •  
  •  
  •  
  •  
  •  
  •