Suspek sa pagpanglugos ug pagpatay sa minor de adad, gipusil, patay sulod sa presinto

Posted on

DAKBAYAN SA DABAW (Hunyo 28) — Gipusil patay ang suspek sa kasong pagpanglugos ug pagpatay   sa usa ka menor de adad, kaganihang buntag sulod mismo sa Talomo Police Precinct dinhi sa Dakbayan.

Si James Narte, nag atubang ug kasong pagpanglugos ug pagpatay sa usa ka menor de adad kaniadtong milabayng Biernes, gipusil sa sakop  sa Talomo Police,  human kini nangilog ug pusil  sa babayeng pulis  alas 7:20 kaganihang buntag, June 28, 2018.

Sumala sa rekord sa Talomo police, gigawas sa selda si Narte, aron kuhaan ug fingerprints.

Si James Narte, suspek sa kasong pagpanglugos ug pagpatay sa usa ka batan-on nangilog kuno ug pusil sa iyang eskort. hinungdan nga  sya  gipusil sulod mismo sa Talomo Police Station.-_Reeya Nuñez/NewsLine.ph

 

Gibutyag  ni PO1 Nierca Mutia Ambong, fingerprint technician,  nga samtang ginaandam si Narte arun kuhaan na unta ug fingerprints, kalit niining gidasmagan ug gihublot ang pusil  ni PO1 Kathleen Rose Antoneth C. Pelino, ang Jailguard nga iyang eskort.

Nag inilugay  si Pelino og Narte sa  pusil ug mibuto kini, naigo sa kisame ug sa bongbong sa presinto sa Talomo Police.

Ang sagunson nga  pagbuto ug kagubot  naka-palarma sa tibuok istasyon,   hinungdan nga  miresponde ang duha pa ka mga pulis nga silas SPO3 Danny Daquigan and SPO2 Richard Dionisio.

Napusilan ni  Daquigan ang suspek nga si Narte.

Gidala pa si Narte sa duol nga hospital diin kini gideklarang dead on arrival sa attending physician.-Reeya Nuñez/NewsLine.ph

Be informed
  • 63
  • 1
  •  
  •  
  •  
    64
    Shares
  • 63
  • 1
  •  
  •