Yanong botante moatbang kang Alvarez sa Davao del Norte

Posted on

DAKBAYAN SA DABAW (Oktobre 12) —  Si Ronelo Rafalez, yanong botante, walay negosyo ug  walay grupo – apan andan kuno siyang  moatbang kang kanhi House Speaker ug Davao del Norte First District Congressman  Pantaleon Alvarez sa umaabot nga bugnong lugaynon sa Mayo 13, 2019.

Ang Certificate of Candidacy ni Rafalez gidawat sa Commission on Elections  (Comelec) didto sa Davao del Norte.

Gani,   naghatag pa kini ug pagtugot nga makighinabi sa membro sa media.

Matud pa ni Rafalez  daghan sya ug himoun sa Davao del Norte, ug makita lang kuno kini  kung siya magmadaugon.

Daghan usab daw kuno sya’s nahibal-an nga trabaho sama sa  guardya, bantay sa mga tindahan, mason ug karpentiro.

Dinhi sa Pilipinas, gamay lang kaayo ang kinahanglan nga rekisitos aron  makahimong kandidato inig eleksyon.

Ang usa ka kandidato kinahanglan nga mosubay sa maong kualipikasyon: “Legal Age, Filipino Citizen, Able to Red and Write”. Buot Pasabot hamtong, Pilipino, makabasa ug makasuwat.

Dunay plano ang Kongreso ang magbutang ug dugang rekisito aron makasighuro nga ang mga managan sa politika, adunay katakos mamahimong lider sa iyang komunidad.-Harold V. Pontongan/NewsLine.ph

 

 

Be informed
  • 30
  •  
  •  
  •  
  •  
    30
    Shares
  • 30
  •  
  •  
  •