Day Care Center sa North Cotabato gisunog sa mga rebelde

Posted on

DAKBAYAN SA DABAW (Nobembre 17) – —  Gisunog sa membro sa  komunistang New People’s Army ang Day Care Center sa barangay Mahongkog, Magpet North Cotabato, human mibalibad ang mga opisyla sa barangay nga mohatag ug ‘revolutionary tax’.

Gibana-banang mokabat sa 25 ka tawo nga nagpailang membro sa  39th Infantry Battalion (IB) ang  miabot sa barangay mga alas 7:10 sa buntag adtong   Huebes, Nobembre 15, ug gilayon gidabdaban ang bilding.

Sumala ni Supt. Aldrin Gonzales, ang tigapamaba sa  Police Regional Office  sa Rehiyon 12, gisunog samga rebelde ang Day Care Center human nga wala mobayad sa P50,000 nga ‘revolutionary tax’ ang mga lideres.

Gibutyag ni Gozales, nga sa taho nga gipadala ni  Chief Insp. Jun Jinete Napat, hepe sa Magpet police, nahitabo ang pagsunog human nagdumili ang  mga opisyales sa barangay nga mohatag sa gipangayo sa mga rebelde.

Gibana-banang mokabat sa 25 ka tawo nga nagpailang membro sa  39th Infantry Battalion (IB) ang  miabot sa barangay mga alas 7:10 sa buntag kagahapon, Huebes, Nobembre 15, ug gilayon gidabdaban ang bilding.

“Gimanduan nila ang maestra ug ang mga estudyante nga mogawas, pagkahuman ilang gisilaban ang eskuelahan,” midugang si Gonzales.

Human nga ilang gisindihan ang Daya Care Center,  gipahinumduman pa sa mga rebelde ang mga barangay opisyal nga ihatag na ang P50mil nga suborno nga ilang gipangayo.

Sumala ni 2Lt. Angie Taban, ang tigpamaba sa  19th IB, ang NPA Guerrilla Front 53 ang nagpaluyo sa maong pagpangsunog..

Matud ni Taban, gi-ingnan na ang mga molupyo nga mamomba ug mang-ambus sila kung gukuron sila sa mga otoridad.

Ang munisipyo sa Magpet, usa sa mga lungsod nga gi-luklokan sa mga rebelde.-Harold V. Pontongan/NewsLine

Be informed
  • 122
  •  
  •  
  •  
  •  
    122
    Shares
  • 122
  •  
  •  
  •