Inahan og anak sikop sa buy-bust

Posted on

DAKBAYAN SA ZAMBOANGA (Enero 8) — Nasikop sa   mga operatiba sa Philippine Drug Enforcement Agency (PDEA) ug kapulisan kagahapon ang  mag-inahan nga suspetsadong tigpayuhot ug ilegal nga druga dinhi sa syudad.

Nadakpan sa aktong namaligya ug druga si  Majannang Ahadani, 51, iyang anak nga si  Junjun Barlie, sa buy-bust operation sa kalye Rajah Soliman,  Barangay Zone IV, dinhi sa lungsod.

Sumala ni  Atty.  De Guzman, Philippine Drug Enforcement Agency-Region 9 (PDEA-9) director Nakuha sa mga suspetsado ang balor Tres Milyones nga shabu (P3,000,000.00).

Saysay ni De Guzman, nadakpan ang mag-inahan sa usa ka transakyon nga mokabat sa P900,000 ala una kagahapon.

Nakuha sa mga suspetsado ang 500 ka gramo nga gisulod sa napulo ka pakete sa gikatoohang shabu ug markadong kuarta .

Natiktikan sa otoridad ang ilegal nga trabaho sa inahan ug iyang anak, human sila gitagaan ug inppormasyon sa mga tawo nga nasayud sa ilang boluhaton.

Natuo ang PDEA nga dugay nang nalambigit sa ilegalnga druga ang duha.

Kasong paglapas sa Dangerous Drugs Law ang atubangon sa mag-inahan.-Wikle Mae Tabuclao/NewsLine.ph

 

Be informed
  • 43
  •  
  •  
  •  
  •  
    43
    Shares
  • 43
  •  
  •  
  •