Saksi sa pagpatay kang Richard King gipusil patay

Posted on

DAKBAYAN SA DABAW (Enero 18)— Davao City – Kumpirmadong witness sa Richard King Murder Case ang suspetsadong napusil patay sa mga Police sa hiniusang pwersa sa Investigation and Intelligence Division sa DCPO, Talomo ug Tugbok Police Station alas 10:30 sa buntag niadtong Martes, Enero 15.

Ang suspect nailhang si Julius Coreses Buot, 42 anyos ug nagpuyo sa Purok 3 Matinao Biao Tugbok Davao City.

Gikumpirma mismo ni Chief Inspector Ronald Lao ang hepe sa Talomo Police nga witness si Buot sa Richard King Murder Case, ug wa sila magdahom nga kini ang responsable sa pagpanulis sa mga panel ug delivery trucks ubos sa area of responsibility sa Talomo, Tugbok ug San Pedro Pulis.

Ilang giatangan si Buot sa Matina Biao Tugbok human nakadawat silag impormasyon nga ang tigpanulis matud pa ug mga truck anaa nasab sa area ga tuyok-tuyok ug possibling nag atang ug ma biktima.

Sa dihang naatlan nila ang suspek, nagpaila na ang mga sakop sa DCPO apan kalit kining mibunot sa iyang baril ug nakig pinusilay ngadto sa mga pulis.

Gidala pa sa Holy Spirit Hospital sa Mintal ang si Buot diin kini gi deklarang Dead on Arrival.

Nakuha sa Crime Scene ang usa ka (1) unit cal. 45 ACP ARMSCOR 1911 pistol with one magazine loaded with six live ammos, Usa (1) ka unit MEO Yamaha Motorycle nga dunay temporary Plate No.1101384435, ug usa (1) ka IntraTec KG9 9mm Sub Machine Gun with one (1) magazine loaded with 14 live ammunitions.

Sa gihimong follow up operation, ang live-in partner ni Buot, boluntaryong giturn-over ngadto sa otoridad ang duha ka mga samsung tablet ug upat ka mga nagkalain laing cellphone nga pulos kinawat matud pa sa suspek.

Ug boluntaryo sab nga misurrender ang usa ka 16 anyos nga lalaki, nga kauban pirmi ni Buot sa pagpanulis.-Reeya Nuñez/NewsLine.ph

Be informed
  • 49
  •  
  •  
  •  
  •  
    49
    Shares
  • 49
  •  
  •  
  •