Digong ordinaryong tawo, dili superman

Posted on

DAKBAYAN SA DABAW (Pebrero 2) — Gisaway sa iyang mga kritiko ang wala pagtamabong ni  Presidente Rodrigo R. Duterte sa Tacloban, Leyte kagahapon.

Ang wala pagtambong ni Digong sa ‘Barangay Summit on Peace and Order’ daling gitaho sa media, og nahimong talinghaga kanila.

Apan, si Presidential Spokesperson Salvador Panelo nagbutyag “Ang Presidente sama  ordinaryong tawo lang, magdaut pud atong lawas usahay, mao sab na siya, di man na siya superman.”  batbat ni Panelo.

Midugang si Panelo, “Wala  motambong ang Presidente sa Leyte kagahapon kay naglain iyang lawas, ug nasayod kini kung  kanus a siya moadto sa ga aktibidad, lain lang gyud iyang lawas mao wa sya kaadto.”

Gisugdan ni Digong sa iyang semana pinaagi sa pagbisita sa Jolo niadtong Lunes, human gibombahan ang Mount Carmel Cathedral niadtong milabayng Domingo og tibouk simana kining nagreport sa iyang opisina aron moatiman sa mga papeles og mga buluhaton alang sa nasud.

Ang 73 anyos nga President halos wala nay pahulay aron sa pag-atiman sa nasud ug sa mga problema niini, apan ang iyang mga kritiko, nagpadayon og saway kaniya,

Imbis nga si Duterte ang moadto, iyang gipadala si  Department of the Interior and Local Government (DILG) Secretary Eduardo Año, aron motunol sa iyang mensahe sa mga nanambong.

Gipasabot ni Año nga adunay importante lakaw ang Presidente maong wala kini  makatambong sa tigum nga gilangkuban sa 3,000 ka tawo nga gilangkuban sa mga opisyal sa  Eastern Visayas didto sa  Leyte Academic Center.

Una niini, gibutyag ni kanhi  Special Assistant to the President Christopher “Bong” Go sa mga reporter didto sa Malakanyang nga naglain ang lawas ni Digong maong wala kini moadto sa Leyte.

Ang nagkadaiyang tubag ni Año ug ni Go, gipiestahan sa media.

Ang Tigum gitambungan ni Leyte Governor Leopoldo Dominico Petilla, Samar Governor Sharee Ann Tan, og  Southern Leyte Governor Damian Mercado.-WMT

Be informed
  • 83
  •  
  •  
  •  
  •  
    83
    Shares
  • 83
  •  
  •  
  •