Wanted nga Amerkano namatay sulod sa buhatan sa Immigration

Posted on

DAKBAYAN SA DABAW (Febrero 3) —Namatay tungod sa sakit, ang  Amerkanong  gipangita didto sa ilang nasud tungod sa kasong ‘Sexual Exploitation”, sulod mismo sa buhatan sa Bureau of Immigration, sa Bicutan, Taguig, niadtong Huesbes.

Ang namatayng suspek, nailhan nga si  William Mark St. Cyr, 55.

Sumala ni  Dana Krizia Sandoval, tigpamaba sa BI, sakit nga Tuberculosis (TB) ang gikamatyan ni St. Cyr.

Gawas sa iyang kaso sa Amerika, nag-atubang usab ug kasong paglapas sa  Comprehensive Dangerous Drugs Act of 2002, og pagpangabuso sa kabatan-onan si St. Cyr,  dinhi sa Pilipinas.

Ang iyang kaso sa Pilipinas, gibasura na sa korte, apan ang mga dokumento wala pa mogawas, hinungdan nga nagpabilin siya sa center sa BI didto sa Taguig.

Sulod-gawas na si St. Cyr sa  Philippine General Hospital tungod sa iyang sakit.

Gibutyag ni Sandoval, natulog lang si Cyr, ug ilang namatikdan nga wala na kini momata, hinungdan nga ila gilayong gidala  sa hospital apan, gideklara kining ‘Dead upon arrival”

Kaniadtong 2013 pa gibalhog sa Immigration facility si  St. Cyr, tungod kay wala na kini mga dokumento, ug naghulat kung kanus-a siya papaulion sa Istados Unidos.

Gi-atopsy ang patayng lawas ni  St. Cyr ug gipahibalo na sa BI ang Embahada sa Istados Unidos kabahin sa iyang kamatayon.-NewsLine.ph

Be informed
  • 17
  •  
  •  
  •  
  •  
    17
    Shares
  • 17
  •  
  •  
  •