DAKBAYAN SA DABAW (Abril 6) — Naugdaw sa sunog ang onse ka balay alas 8:00 kaganihang buntag sa Purok 23 Talipapa Brgy Sto. Niño Tugbok
Gituohang nagsugod ang sunog sa panimalay ni Bonifacio Lawag.
Sumala ni Police Major Ricky Obenza, hepe sa Tugbok Police Station nga sa ilang gihimong imbestigasyon kauban ang Bureau of Fire Protection Mintal ang napasagdang katol sa sala sa balay ni Lawag ang hinungdan sa sunog.
Ug tungod kay gama sa kahoy ang maong balay ug sa mga silingan niini, daling mikalat ang kalayo ug naugdaw ang mga balay.
Lakip sa mga nawad-an ug panimalay ang mga silingan ni Lawag nga sila Jonathan Dablo, Alberto Pelpinosas, Virginia Neda, Eddie Marquez, Victoria Malayag, Melody Andrada, Ryan Dalisay ug Raymund Odonia nga dunay duha ka mga balay.
Mukabat sa 200,000 pesos ang danyos sa maong sunog.-Reeya Nuñez/NewsLine.ph
