1,149 ka sugarol naaresto sukad Enero

DAKBAYAN SA DAVAO, Mindanao—  Mokabat sa 1,149 ka sugarol ang giaresto sa kapulisan dinhi sa dabkayan sukad niadtong Enero, 2017.

Sa natala usab sa Philippine National Police XI, nakapahigayon ug 63 ka operasyon ang kapulisan sa tibuk rehiyon sa ilang seryoso nga kampaya batok sa pasugal.

Sa mga operasyon nga gihimo, nasakmit sa kapulisan ang P394,624 nga pusta sa nagkadaiyang pasugal, last twa, tari tari, tong-its, video carera, bingo, mahjong ug uban pa.

Ang Davao City Police Office (DCPO) ang mitala ug pinakadaghan nga operasyon nga mokabat sa 384 ug naka-aresto sa 732 ka sugarol ug naka kunpiska ug P224,456 nga salapi.

Sumala pa ni, Chief Inspector dela Cerna, ang tigpamaba sa PRO XI ilang gipatuman ang kamanduan ni PNP director Ronald dela Rosa nga pahugtan ang kampanya batuk ilegal nga pasugal.

Sumala ni dela Cerna, padayon gihapon ang ilang pagpanglipyo sa badlungon nga mga membro.

Padayon usab kuno silang naniktik sa mga pulis nga nalambigit sa ilegal nga pasugal.

Gani nag-warning na usab si Police regional director Manuel Gaerlan nga iya gyud ipataktak sa serbisyo ang mga pulis nga adunay kalambigitan sa mga sindikato ug mga ilegal nga kalihukan.-Harold V. Pontongan/Newsline.ph