128 ka kanhi rebelde midawat og regalo atol sa anibersaryo sa sundalo

 OZAMIZ CITY – Nakadawat og gift pack gikan sa mga sundalo ang 128 ka mga former rebels  atol sa 47^th founding anniversary sa 102^nd Brigade Philippine Army.

Ang maong kalihokan maoy kabahin sa  highlight sa  tulo ka adlaw nga unit visitation nga hingpit nga gitapos dili pa lamang dugay.

Gipahayag ni Capt Sotero Abrito 111 ang Civil Military Operations Officer, nga nga ang nasangpit nga mga kanhi rebelde, mao ang misurender ngadto sa mga sundalo sa nagkadaiyang units haom sa katumanan sa  programa End Local Communist Armed Conflict ( ELCAC ).

Sila naggikan sa nagkalain laing units  nga  sakop sa operational control sa 102^nd Brigade.

Sulod sa gift pack ang  bugas, delata ug uban pang groceries nga makatabang sa ilang  panginahanglan kada adlaw.

Ang mga former rebels  maoy misanong sa panawagan sa administrasyon ni Presidente Rodrigo Roa Duterte nga mobalik  na sabakan sa  balaod aron manginabuhing normal.

Gawas sa pagpanghatag og  gift pack sa mga former rebels, gipasidunggan usab ang  22 ka mga military personnel nga adunay talagsaong agi sa ilang tagsa tagsa ka mga operational units .

Gidawat niini ang  Military Commendation Medal gumikan sa ilang maayong performance nga nakatampo og dako sa kinatibuk-ang kalamposan sa panahon sa combat ug non combat operations. 

Gipahayag ni  Brig Gen, Leonel Nicolas, 102d Brigade Commander, nga  gihimo ang pagbisita sa matag battalion gumikan sa pandemic sa COVID19 ug malikayan ang panagtapok nga  mao unta ang naandan nga gihimo sa military Headquarters.

Iyang gidugang nga ang kalamposan nga nahimo sa mga sundalo dili mahimong posibli kon wala  pa ang mga tawo nga nahimong instrumento diha sa maong kalamposan , busa angayan lamang nga hatagan og dakong pagtagad ug paga ilhon   ang mga sakripisyo nga gihimo lakip na ang  pagkamatinud-anon sa ilang trabaho.

“ Our accomplishments would not have been possible without the individual and collective performances of our soldiers on the ground, thus it is just timely and right to give due credit for all the sacrifices and their dedication to duty” pamahayag ni Brig Gen. Nicolas.

Nasayran,nga ang Brigade Commander uban sa staff sa 102^nd Brigade,mibisita sa mga kampo sa 10^th, 51^st, 97^th,53^rd, 44^th ug 42^nd Infantry  Battalions isip kabahin sa  kasaulogan haom sa tema karong tuiga: “ Kaagapay mo Igsoon ko, Para sa kalamboan  karon ug kaniadto”. Expedito Roxas.-Newsline.ph Zamboanga Peninsula