DAKBAYAN SA DABAW – Usa na sab ka opisyal sa pulisya ang namatay sa sakit nga coronavirus (Covid-19), sya ang ika-13 nga namatay tungod sa pandemya.
Sumala ni i Brig. Gen. Bernard Banac, tigpamaba sa PNP, ang bag-ong namatay mao ang usa ka 46-anyos nga pulis nga nadistino sa National Capital Region. Namatay kini niadtong Martes.
Matud ni Banac, sa pagkakaron, aduna nay 2,732 ang natakbuyan sa coronavirus-19.
Sa tala sa PNP Health Service, adunay 111 ka mga bag-ong kaso ug sagad niini gikan sa NCRPO.
Apan, nakarekober na ang 1,800 ka mga personahe gikan sa maong sakit.
Padayon pang gibantayan sa Health Service Unit ang 764 ka mga probable cases ug 2,202 nga mga suspected cases. – Winkle Mae Tabuclao/Newsline.ph
