DAKBAYAN SA DABAW (Junyo 26) — Patay ng nakaplagan ang usa ka dise sais anyos nga dalaga niadtong Hunyo 22, alas 10 sa gabie.
Ang biktima nailang si Rea Manila, usa ka Junior High Student ug nagpuyo sa Purok 10 Libby Road Brgy. Bago Gallera.
Mismong ang igsuon niini nga si Orvin Manila ang naka diskubri sa patayng lawas niini, human matud pa wa na makauli sa ilang balay nga nananghid nga mugawas kadali arun nga magpa load.
Napalgan ang patayng lawas ni Rea likod sa usa ka abandonadong balay, gitabunan ug selopin sa saging, ug wa nay tabon ang ubos nga bahin sa iyang kinatawo.
Dunay mga samad sa nagkadaiyang parte sa kalawasan ang biktima lakip na sa ulo niini nga gituohang maoy hinungdan sa iyang kamatayon.
Nadakpan gilayon sa Talomo Police Station sa panguna ni PCI Ronald Lao ang suspek nga nailhang si James Narte, 35 anyos ug usa laborer.
Kagahapon, Hunyo 25, dunay mga mipatim-aw nga mga witness nga nagtudlo kang Narte nga nag ingong gisundan niini ang biktima, ug laing witness nga nag ingong nakita niini ang suspek nga nagguyod sa lawas sa biktima sa bagnutan ug ang mga nakuha sa crime scene nga mga personal nga gamit sa suspek.
Sa autopsy report, positibo nga gipanamastamasan ang biktima. kuhaan sab ug DNA sample ang suspek nga si narte arun ipaubos sa DNA test arun mahibal-an ug siya ang mirape sa biktima.
Samtang kagabie, June 25 laing biktima nasab ang mipatim-aw sa Talomo Police station.
Sa Police Line up, positibo niining gitudlo ang suspek nga si Narte, nga maoy pugsanong midala kaniya sa bagnutang bahin sa sasa area, gitiunan ug kutsilyo ug gilugos niadtong Mayo 19, 2018.-Reeya Nuñez/NewsLine.ph
