DAKBAYAN SA BUTUAN (Marso 4) — Mokabat sa 1,760 kilos sa karneng baboy gikan sa ilegal slaughterhouse ang gibawi sa buhatan sa Butuan City Veterinarian’s Office niadtong Sabado sa gabii.
Sa facebook post sa Butuan City PIO, gibutyag niini nga ang karne padulong na unta ihatud sa usa ka iladong Mall dinhi sa Dakbayan.
Gihimo ang pagpangronda human gipahibalo sa National Meat Inspection Service (NMIS) Cagayan de Oro, ang Regional Technical Operation Center sa Caraga, nga adunay daghang karne sa baboy i-deliver sa Butuan .
Sumala ni Dr. Mancio Danilo Alegado ang City Veterinarian, ila gilayong gi-aksyonan ang taho, ug sa dihangilang gipangitaan ug Meat Inspection Certificate (MIC) ang nagdala sa karne, wala kini gikapakitang dokumento, maong gibawi sa otoridad ang karne.
Dayong gilubong ang mga karne aron dili na kini mabaligya.-ASC/NewsLine.ph
