DAKBAYAN SA DAVAO— Gibasura sa korte kagahapon ang duha ka kaso nga dunay kalambigitan sa illegal nga druga nga gipasaka batok kang kanhi senadora Leila de Lima human gisaysay sa duha ka mga testigo nga ang ilang gipasaka nga kaso puros peke ug walay basehan.
Nakita sa Muntinlupa Regional Trial Court Branch 204 nga walay makamatuoran ang gipasangil nga nagdawatan si De Lima og P10 milyones gikan sa mga piniriso nga nalambigit sa druga nga anaa sa New Bilibid Prison aron iponodo sa iyang pagdagan isip senador alang sa 2016 elections.
Si De Lima nag-tubang og tulo (3) ka kaso nga puros dunay kalambigitan sa illegal nga druga. Ug kagahapon duha niini ang gibasura sa korte.
Sumala ni De Lima, natubag ang iyang mga pag-ampo nga mogawas ang kamaturoan.
“Answered prayers. What a glorious day. This is the beginning of my vindication,” mao kini ang tubag sa akusado sa dihang miatubang sa miembro sa media kagahapon “Maraming, maraming salamat.”
Bisan pa man nabasura na ang duha, magpabilin si De Lima sa prisohan tungod kay duna pay usa ka kaso nga wala pa nadesisyonan.
Usa sa mga testigo batok ni de Lima nga si kanhi Bureau of Corrections Officer-in-Charge Rafael Ragos, ang misaysay sa korte ang gipugos siya sa iyang testimonya ug namakak kini aron mapasaka ang kaso batok sa kanhi senador.
Una nang gisaysay ni Ragos nga niadtong tuig 2021, nakigkita kaniya si kanhi Justice Secretary Vitaliano Aguirre ug namugos nga ipaangkon ang mga panghitabo sulod sa Bilibid bisan wala kini kamatuoran, gisaysay ni Ragos nga iyang gihimo ang mandu ni Aguirre aron dili siya iapil sa kaso.
Apan, ang mga testimonya ni Ragos, gihimakak ni Aguire.
Mikakak na usab ang mi-angkon nga druglord nga si Kerwin Espinosa ug ang iyang driver-bodyguard nga si Marcelo Adorco sa ilang testimonya batok kang de Lima.
Sa desisyon sa Korte, gisaysay niini nga walay klarong ebidensya ang napakita aron mapamatud-an sa korte ang alegasyon ug akusasyon batok kang De Lima.
