3-Anyos nga bata patay, human gidabdaban sa iyang kaugalingong amahan

DAKBAYAN SA DABAW, Mindanao— usa ka bata ang gisunog sa iyang kaugalingong amahan niadtong Domingo sa gabii, Marso 18, 2018, didto sa sigunda distrito  ning dakbayan.

Apan ang  tres anyos nga bata nailhang  si  ” Baby””, nakabsan sa iyang kinabuhi atas 6:00 niadtong Lunes Marso 19, matud pa sa record ni Dortor Shendy O. Dak sa Southern Philippines Medical Center.

Giila ni Sasa Police station commander Police Chief Inspector Emerson Pugong ang amahan sa bata  nga si “Randy”, construction worker, ug buwag sa iyang asawa.

Ang higala ni Randy nga nailhang si Abli, nagbutyag sa kapulisan nga sayo niadtong Domingo, giagda siya sa suspetsado ug inom apan siya mibalibad.

Matud pa ni Pugong, gisaysay ni Abli kaniya, banda alas dies sa gabii niadtong Domingo nakadungog sa ug kusog nga hilak sa bata, ug nadunggan niya si Randy nga namulong “I-apil taka sa akong problema day.”  Nakit-an ni Abli nga nagsilaab na ang bata.

Sa pasiunang imbistigasyon sa kapulisan, gipanghimakak ni Randy nga siya nagsunog sa iyang anak, kay   nagdula kuno ang iyang anak sa lampara apan, wala nadugay miangkon kini nga bout niya mahuman iyang problema mao iyang gisunog iyang anak.

Ang mga imbistigador sa Sasa Pulis, nakakita ug lighter ug usa ka galon nga nanimaho ug gas sa balay nga gipuy-an sa suspetsado.

Nagduda ang kapulisan nga nahugno si Randy tungod kay gibiyaan kini sa iyang asawa niadtong 2016 ug naa na kini kapuyo ug bag-o ra kini nanganak.

Ang pamilya ni Baby  kanhi nanimuyo didto sa Malungon, Saranggani Province, ug dili pa kini dugay nanimuyo dinhi sa dakbayan.

Matud pa sa inahan sa bata iyang gibiyaan ang iyang bana niadtong 2016 tungod kay kusog kini mangulata.

Ang bata iyang  gibilin sa iyang inahan,  apan gikuha kini ni Randy niadtong Disyembre 2017, sa iyang lola ug maskin unsaon nila ug kuha dili gyud daw ihatag kanila ang bata.

Gani matud pa sa iyang asawa iyang gipapriso si Randy sa Buhangin Police Station niadtong 2015.

Hustisya ang gipangayo sa inahan sa bata. Gitabangan sa personahe sa  Kean Gabriel  Hotline ug sa mga social workers,  aron kini mapahaluna.

Ang kapulisan nag-andam na ug kaso batok kang Randy, ang patayng lawas sa biktima naa sa Angel Funreal Homes sa Torres St.-Rey Nuñez/Newsline.ph