DAKBAYAN SA DAVAO— Tulo ka overseas Filipino workers (OFWs) sa United Arab Emirates (UAE) ang gikatahong nangamatay tungod sa grabeng pagbaha nga miigo sa desyerto nga nasod.
Sa usa ka advisory niadtong Huwebes, ang Department of Migrant Workers nipaabot sa makapasubo nga balita samtang nagpaabot sa ilang lawom nga pahasubo ug simpatiya sa mga pamilya ug kabanay sa mga mitaliwan nga OFWs.
“Uban sa tumang kasubo, among gitaho ang kamatayon sa tulo ka OFW sa panahon sa pagbaha sa UAE. Duha ka OFW ang namatay tungod sa paghuot sulod sa ilang sakyanan atol sa baha. One other OFW died due to a vehicular accident,” matod ni DMW officer-in-charge Undersecretary Hans Leo Cacdac sa iyang post sa X.
Gipasalig sa departamento ang mga pamilya sa tulo ka OFW sa ilang hingpit nga suporta ug tabang.
Ang DMW’s Migrant Workers Offices (MWOs) ug ang Overseas Workers Welfare Administration (OWWA) Offices sa Dubai ug Abu Dhabi nakigtambayayong pag-ayo aron mahatagan ang tanang tabang sa mga pamilya sa tulo ka OFWs.
Nangandam usab sila sa pag-apod-apod sa mga relief goods, basic necessities, ug uban pang importanteng butang ngadto sa mga OFW community sa Al Ain ug Dubai.
