MATALAM, North Cotabato —Tulo ka tawo ang patay, samtang laing tulo ang anaa karon sa kritikal nga kondisyon human gi-massacre ang usa ka pamilya sa Purok Sampaguita, Barangay Poblacion ning lungsod niadtong Sabado Enero 4, nga 6:50 sa gabii.
Giila sa kapulisan ang mga namatayng biktima nga sila si Ernesta Getalla , 70-anyos, Joe Getalla parehong 70-anyos , Lorena Getalla, 43 anyos .
Samtang kritikal sila si Emmelita Getalla, Jose Getalla ug Daryl Getalla.
Sumala sa Matalam pulis, samtang nanihapon ang mga biktima kalit lamang misulod ang wala pa mailhing mga armadong tawo sa ilang panimalay og gipaulanan sila og bala gikan sa kalibre 5.56mm kon M-16 rifle.
Human sa maong panghitabo dayong misibat ang mga suspetsado sa wala pa matinong direksyon.
Gidala ang mga mag biktima sa balay tambalanan, apan gi-deklarang dead upon arrival ang tulo, samtang ang laing tulo padayon pang ginatambalan.
Nakakuha ang ang membro sa Scene of the Crime Operatives kon SOCO og onse (11) ka basiyo sa bala nga ginatoohang maoy gigamit sa pag-“massacre” sa pamilya Getalla.
Sa pagkakaron padayong pang gigukod sa Matalam Police ang wala pa mailhing suspetsado.
Samtang gi-imbistigahan sa kapulisan ang motibo sa maong krimen.-Randy Patches