DAKBAYAN SA DABAW —Mokabat na sa 313 ka opisyal ug personahe nga frontliners sa Philippine Coast Guard (PCG) ang nagpositibo sa coronavirus-19 (Covid-19) , kini ang gibutyag ni Commodore Armando Balilo, ang tigpamaba sa maong ahensya, atol sa interbyu nga gihimo sa DZBB niadtong Sabado, Julyo 18.
Sumala niya, sa ilang rekord miabot na sa 313 ka personahe ang nagpositibo ug kadaghanan kanila naglihuk isip mga frontliners sa mga pantalan ug sa mga lugar kung diin moabot o mangagi ang mga Locally stranded individuals o di ba kaha ang mga returning overseas Filipinos (ROFs) .
Sumala ni Balilo, kadaghanan sa nagpositibo naglihok isip ‘swabber sa airport, bus driver sa libreng sakay nga programa sa Department of Transoration, mga anaa sa pantalan nga nagahatud sa mga LSIs [locally stranded individuals], ug mga personahe sa quarantine control checkpoints.”
Ang mga personahe sa coast guard nag-amping sa ilang mga control points, matud ni Balilo, aduna silay mga ginagamit nga protection sa ilang lawas susama sa ubang mga frontliners, hugot silang nagsunod sa health protocols, apan bisan pa man niini nagpositibo sila sa covid-19.
Mga maayo ug lawas ang membro sa coast guard, siya midungag “Malalakas ang katawan ng tropa, kaya karamihan sa mga nag-positive, asymptomatic. Pero hindi po tayo nagpapakampatante.”
Niadtong Lunes, mipagawas ug opinyon ang World Health organization nga posibleng makatakod ang kagaw sa covid-19 pinaagi sa hangin, og tungod niini, gihangyo sa WHO ang mga eksperto nga mangita pa ug dugang ebidensya aron masiguro ang basehan sa ilang mga pagduda.-Newsline
