DAKBAYAN SA DABAW (Oktobre 7) — 34 ka tawo ang samaran sa dihang nagbangga ang duha ka Metro Shuttle Bus didto sa Tiongco Village, Brgy. Canocotan, Tagum City kaganinang alas 3:30 sa hapon.
Basi sa ulahing taho, walay kinabuhi nga nakalas sa maong insidente, apan ubay ubay ang nakaagum ug daghang pangus ug matud pa adunay mga sersoyong pasyente didto sa Davao Regional Hospital sa Apokon.
Sa opisyal nga pamahayag sa Metro Shuttle, ilang giingon nga ang bus nga naay body number 386 nagdagan paingon sa tagum City, sa dihang naay mikalit ug tabuk nga motor. Aron kuno malikayan ang motor, gikabig sa drayber ang sakyanan, apan aksidenting nibangga kini sa laing Metro Shuttle Bus nga dunay body number 53, nga ilang ka-engkuentro.”
Dangug kay basa ang karsada tungod sa ulan, hinungdan imbis ilikay sa motor, didto hinoun kini mibangga sa kaubang bus.
Sumala pa sa kompanya, gidala na sa hospital ang mga na-angol nga pasahero ug empleyado sa bus.”
Nanaad ang kompanya nga dili nila pasagdan ang mga biktima gani ug ilang tagaan ug pagtagad ang panglawas sa mga hingtungdan.
Naghangyo ang kompany sa katawhan sa Pag-ampo aron daling maka-rekober ang mga naa sa hospital.
Gipahibalo na daw kuno sa Metro Shuttle ang otoridad sa maong insidente.
Sa ilang sulat pahayag, nagbutyag ang Metro Shuttle “Strikto mi sa Davao Metro Shuttle sa pagremind sa among mga drivers na perminti mag-amping sa dalan. We implement safety measures such as speed monitoring and seminars on proper driving and bus handling. We will continue to be vigilant in stressing the importance of driving safely. “-Jian A. Padillo/NewsLine.ph
