DAKBAYAN SA DABAW — Walay kamatuoran ang mga istorya nga makaltasan o makuhaan ang madawat nga cash grants sa atong mga Pantawid Pamilyang Pilipino Program (4Ps) beneficiaries kung sila dili magpabakuna, kini ang gibutyag sa Department of Public Works and Highways sa ilang sulat pahayag.
Ang tanang basehan sa ilahang pagka-benepisyaryo mao ang mga nahisulat ug nasabutan diha sa ilahang mga conditionalities sa pagsulod nila sa programa.
Walay kalabutan ang ginapahigayon nga A5 Vaccination Roll-out diha sa ilang pagka-benepisyaryo ug sa madawat nila nga ayuda gikan sa programa.
Apan, ang maong pagpabakuna, ginapanghingusgan gayud sa atong gobyerno nga paga-apilan ug pagadawaton labi na sa atong mga nanginahanglang sektor sama sa A5 priority group. Tungod ug alang kini sa proteksyon nila batok sa nagkakuyaw nga risgo ug hulga sa panglawas dala sa COVID-19.
Proteksyon sab kini labi na sa atong mga minahal sa kinabuhi nga labing bantayanan ang estado sa panglawas, sama sa atong gagmay nga bata, mga katigulangan, ug ang mga masakiton.
