DAKBAYAN SA DAVAO —Nakunpiska sa mga personahe sa Naval Forces Western Mindanao ang P52.8 Million nga kantidad sa smuggled nga mga sigarilyo sa baybayon sa Barangay Labuan, Zamboanga City.
Subay sa report, anaa sa 1, 511 boxes sa mga smuggled nga sigarilyo nga walay legal nga dokumento ang narekuber sa mga otoridad gikan sa 5 ka mga bangka.
Daling gi-turnover sa Bureau of Customs ang mga kontrabando alang sa tukmang disposisyon.
Temporaryo sab nga gikustodiya sa Naval Station sa Rio Hondo ang nakumpiskang mga bangka.
Kasong paglapas sa R.A 10863 kon Customs Modernization and Tariff Act ang ipasaka sa BOC sa mga nalambigit sa pagpalusot sa nahisgutang mga kontrabando.
