DAKBAYAN SA DAVAO — Mokabat na sa 53,7000 kilos nga tilapia ang nangamatay tungod sa sagunsong Fish Kills sa Lungsod sa Lake Sebu, Souther Cotabato.
Saysay ni Lake Warden Jose Rudy Muyo singkuenta (50) ka tag-iya og punong ang naapektuhan.
Matud ni Muyco kini ang unang kaso sa Fisk Kills sa lugar karong tuiga. Niadtong Enero 2021 nahitabo ang Fish Kills sa bulan sa Enero
Nagsugod og kamatay ang mga tilapia niadtong Abril 10, sa pagkakaron normal na ang dagan sa mga punong ug wala nag nakitang nangamatay nga tilapia.
Ang Lake Sebu usa sa mga dakung supplier sa Tilapia sa Southern Mindanao.
Matud sa Lake Warden daghang rason ang ilang gitan-aw nga nahimong hinungdan sa pagkamatay sa mga isda, ug usa niini ang pagdagayday sa mga duga sa abono ug mga pestisidyo gikan sa mga humayan, maisan ug golayon nga anaa mahimutang sa bukid nga nagpalibot sa lawa.
Ang kanunanyng pagbag–o bag-o sa lahaw sa panahon ug ang polyusyon sa tubig, apil sa mga hinungdan nga gipunting ni Muyco.-ezc
