DAKABAYAN SA DABAW, Mindanao (Mayo 9) — Saysenta ka mga balay ang gipangguba sa demolisyon team dinhi sa dakbayan niadtong Lunas sa buntag, Mayo 7, 2018.
Gitunol sa sheriff kauban ang Davao City Police, ang writ of demolition sa mokabat saysenta (60) ka mga residente sa Brgy. 26-C.
Gipahigayon ang demolisyon human gibawi sa tag-iya sa yuta ang iyang luna nga dugay ng gitukoran ug mga balay.
Mayorya sa mga namuyo sa maong lugar nagagikan sa tribong Maranaw.
Sa dihang mi-arangkada na ang demolisyon team, mihangyo ang mga residente nga sila na lang ang moguba sa ilang pinuy-anan ug dugang mihangyo nga tagaan pa sila ug lugway aron mangita ug luna nga ilang kabalhinan.
Apan, gipasabot sila sa Sheriff nga maundang ug mapahunong lang ang demolisyon kung aduna silay mapakitang Restraining Order gikan sa korte.
Sumala pa ni City Police Director Alexander Tagum , maximum tolerance ang ilang gipatuman tungod kay dili sila gusto nga adunay masakitan atol sa demolisyon.
Gibutyag ni Tagum nga nagpakaylap sila ug 1, 200 ka mga security personnel aron masigurong luwas ug way kagubot atol sa demolisyon.
Midugang si Tagum, nga ilang gisiguro nga way mapasakitan, hinungdang giunhan na nila daan ang mga informal settlers nga di sila makabantay ug di makapangandam.
Kahinumduman, nga niadtong bulan pa unta sa Abril ahimoun ang demolisyon apan wa madayon sanglit nagmagahi ang mga residente sa paghawa sa luna –Rey Nuñez, Newsline.Ph
