DAKBAYAN SA DABAW-–Usa ka 63-anyos nga lolo ang anaa karon sa prisohan human kini gikasuhan og halos 1,500 ka kasong rape didto sa Caramoran, Catanduanes.
Sa taho sa GMA News niadtong Sabado, nadakpan ang lolo pinaagi sa usa ka warden de aresto, ug siya gikonsiderang Most Wanted sa PNP Bicol.
Ang mga biktima ni lolo iyang mga menor de edad nga apo, ug nagsugod siya og pagmolestiya kanila sukad tuig 2016 hangtud tuig 2021, saysay sa Philippine National Police (PNP).
Misumbong ang paryente sa mga sa mga bata sa gihimo sa ilang apohan , hinungdan nga gipasakahan kini og kaso ug daling mipagawas og warden de aresto ang korte.
Anaa na karon sa poder sa DSWD ang mga bata aron ipailawom sa counseling.
Walay piansa ang kaso ni Lolo.
