DAKBAYAN SA DAVAO –— Gisuspenso sa Kongreso ang ilang session sukad kagahapon, Enero 18, human kapin sa 70 ka sakop niini apil ang pipila ka Congressman ug mga empleyado nagpositibo sa Coronavirus Disease sukad nagsugod ang bag-ong tuig 2022.
Gi-anunsyo sa Kongreso nga ipadayon nila ang ilang sesyon karon Enero 24.
Daghan sa mga empleyado ug mga Congressman ang anaa pa karon sa isolation facilities ug nagpaayo.
Matud ni House Speaker Loard Allan Velasco, bisan pa man sa panghitabo, padayon silang magserbisyo sa katawhan ug ilang ipaniguro nga luwas ang mga Congressman ug empleyado.
Nagpadayon ang sesyon sa Kongreso niadtong Lunes, apan, kagahapon, nadesisyonan nga i-oktaba usa ang sesyon tungod sa hulda sa pandemya.
Niadtong Lunes 19 ka mga balaudnon ang ilang naaprobahan.
Dungan niini, gi-anunsyo usab sa Senado ang pagsuspenso sa ilang sesyon ug ipadayon nila kini sunod semana human mitala og 88 ka kaso gikan sa kinatibuk-ang ihap sa senado ug mga empleyado.
Adunay 196 ang naka home quarantine nga gilangkuban sa mga senador ug ilang mga empleyado, matud ni minority leader Miguel Zubiri.
Maghimo usab og disinfection ang Kongreso ug Senador aron ipaniguro nga limpyo ang ilang palibot gikan sa kagaw.
Dunay nga miting, apan, himoun kini pinaagi sa internet on virtual nga panagtagbo.-Eugene Hinutan
